Боб Бредли доби отказ во Свонси по 85 дена. Американецот го водеше велшкиот клуб во 11 премиерлигашки натпревари пришто забележа по две победи и реми и дури седум порази. Последниот од Вест Хем, на домашен терен, ја прели чашата на незадоволство кај клупското раководство.
Екипата од Кардиф е претпоследна на табелата во англиската фудбалска елита со само 12 бода колку што има и фенерџијата Хал сити. Местото над зоната за преселба во Чемпионшип во моментот го држи Кристал палас со 16 бода.
Бредли го презеде кормилото на Свонси на почетокот на октомври од Франческо Гвидолин со што стана прв американски менаџер во Премиерлигата. Но, не остана долго. Екипата привремено ќе биде доверена на досегашните асистенти во стручниот штаб Алан Картис и Пол Вилијамс кои ќе бидат на клупата во сабота, на 31 декември, во мечот со Борнмут пред своите гледачи.
Како можен наследник на Бредло на кормилото на Свонси се споменува Рајан Гигс.