Манчестер сити го порази Манчестер јунајтед со 2:0 во 35. коло во англиската Премиерлига и се врати на чело на табелата со бод повеќе од Ливерпул на три кола до крај на сезоната. Градско дерби на „Олд Трафорд“ го следеа 75.000 гледачи кои уживаа во 90. минутната фудбалска претстава што изобилуваше одлично темпо, многу трчање, извонредни шанси на двете страни, но и грешки.
„Граѓаните“ притоа ги искористија своите прилики за разлика од „црвените ѓаволи“, ги казнија киксевите на противничката одбрана за важни три бода на крајот во борбата за титула со „црвените“ од „Енфилд Роуд“. Победникот беше решен во само 12 минути во вториот дел. Во 54. минута погоди Давид Силва по додавање на Илкај Гундоган, во 66. минута во листата на стрелци се впиша и Лирој Сане по додавање на Рахим Стерлинг.
Вулверхемптон го порази Арсенал со 3:1 и го запре во напредокот кон зоната што води во Лигата на шампиони за наредната сезона. „Топчиите“ остануваат на петтото место со 66 бода, еден помалку од Челзи, но и три повеќе од Манчестер јунајтед на шестата позиција.
„Црвените ѓаволи“ во наредната рунда ги очекува ново дерби, на „Олд Трафорд“ ќе пристигне Челзи, Арсенал ќе гостува на „Кинг Пауер“ стадиоинот на екипата на Лестер, Ливерпул го дочекува Хадерсфилд додека Сити ќе патува кај Барнли.