Македонија доби реформска влада, чија главна задача е да го врати животот за сите во Македонија, изјави Заев по изборот за премиер. Тој вети дека новата влада ќе работи во интерес на сите граѓани и за доброто на земјата. Заев очекува и конструктувна поддршка од опозицијата. Новата влада, рече тој, има поддршка од опозицијата, затоа што следуваат процеси на реформи.
„Следуваат судски реформи, на реформа на парламентот, на тајните служби, на медиумите, на институциите, се надевам дека ќе бидам доволно флексибилен и со разбирање за идната опозиција, затоа што Македонија има потреба сплотеност, единство и заедничко делување за да испорачаме добар квалитет по еден брз реформски процес“, изјави Заев.
https://www.facebook.com/NovatvWeb/videos/881226405361423/
Во однос на уставното име и надворешната политика, премиерот рече дека ќе водат политики на зближување, а не на политики на оддалечување.
„Сите политика во делот на на надворешната политка треба да испраќаат пораки на пријателство и на барање поддршка и помош од нашите соседи. Две земји од нашите соседи се членки на ЕУ и НАТО и тоа како можат да и помогнат на Македонија. Со позитивни исчекори јас верувам дека во функција на интересот на целиот овој регион, можеме да најдеме решение на горливите проблеми со конечна цел, Македонија најбрзо да биде членка на ЕУ и НАТО“, рече премиерот Заев.
Неколку минути пред полноќ, пратениците со 62 гласа „ЗА“, 44 „ПРОТИВ“ и 5 воздржани го избраа новиот владин кабинет на премиерот Зоран Заев. Министрите и премиерот по изборот дадоа свечена заклетва и се обврзаа дека ќе работат согласно Уставот и законите.