Министерството за здравство (МЗ), согласно податоците на Институтот за јавно здравје (ИЈЗ), информира дека во последните 24 часа во земјава се регистрирани 107 нови случаи на ковид-19, починале 19 пациенти, а оздравеле 247.

Најголем број од новите 107 инфекции со коронавирусот се евидентирани во Скопје – 83, потоа во Прилеп – 6, во Куманово и во Кавадарци – по 4, во Битола – 3, во Неготино – 2, во Штип, во Кичево, во Кочани, во Гевгелија и во Пробиштип – по 1.

Дванаесет лица од 19-те починати од ковид-19 се регистрирани во Скопје (возраст 86 год., 84 год., 80 год., 75 год., 75 год., 73 год., 67 год., 65 год., 63 год., 57 год., 48 год. и 39 год.), две од Куманово (71 год. и 42 год.) и по едно од Богданци (70 год.), од Велес (73 год.), од Гевгелија (69 год.), од Кичево (69 год.) и од Македонска Каменица (87 год.) – сите во болнички услови.
Регистрирани сe 247 оздравени пациенти од Скопје – 101, од Штип – 21, од Куманово – 19, од Велес – 16, од Кратово – 11, од Прилеп, од Кочани и од Крива Паланка – по 9, од Тетово – 8, од Кавадарци и од Валандово – по 7, од Струмица, од Свети Николе и од Виница – по 4, од Кичево и од Гевгелија – по 3, од Битола, од Радовиш, од Ресен, од Крушево и од Демир Хисар – по 2 и од Неготино и од Гостивар – по 1. Дополнително, согласно Регистарот на починати лица со дијагноза ковид-19 од „Мој Термин“ се пријавени уште пет починати лица, со датум на смрт од 16.09.2021 до 04.10.2021 година – две од Скопје и по едно лице од Тетово, од Гевгелија и од Велес на возраст од 59 до 79 години.

Досега во земјата се направени вкупно 1.344.538 милиони тестирања на ковид-19. Вкупната бројка на ковид-дијагностицирани лица во нашата земја од почетокот на епидемијата изнесува 197.197, бројката на оздравени пациенти е 183.474, на починати е 6.964, а бројот на активни случаи изнесува 6.759.