Едно лице загина, а едно се бори за живот во престрелката што вечерва се случи во Белград. Лицето што смртно настрада, како што пишуваат српските медиуми, е Александар Станковиќ познат под прекарот Сале Мутави кој е водач на „Гробари“, навивачка група на Партизан
Едно лице загина, а едно се бори за живот во престрелката што вечерва се случи во Белград. Лицето што e смртно настрада, како што пишуваат српските медиуми, е Александар Станковиќ познат под прекарот Сале Мутави кој е водач на „Гробари“, навивачка група на Партизан.
Престрелката се случила во близина на Централниот затвор во Белград. Бројни полициски сили го блокираа местото на инцидентот и се трага по сторителите. Мотивите засега се непознати. Лицето што е пренесено на реанимација во Ургентниот центар, неофицијално, е еден од затворските чувари.
Очевидци велат дека нападот се случил со автоматско оружје. Во близина на местото на злосторството е пронајдено црно „Бе-Ем-Ве“ за кое се претпоставува дека е користено за бегство на сторителите.
Ова е второ убиство на навивач на Партизан оваа година. Во август беше застрелан Ален Костиќ (28) кој им подлегна на повредите пред семејната куќа во Железник. Пукотници имаше и во септември. Се случија во местото Жарково и тогаш, неофицијално, мета бил навивач на „црно-белите“.
Кој е Сале Мутави, страв и трепет за многу навивачи
Со завиден стаж во хулиганските води, момчето од Врачар пред пет години своето место од северната трибина на стадионот на Звезда, го замени со позицијата на врвот на југот на стадионот на Партизан.
Беше еден од многуте „нови“ ликови кои го презеде водството на јужната трибина во периодот на најголемата криза, а потоа и во време на меѓусебни судири на Југот, кога беше загубен еден млад живот на навивач.
И беше познат на полицијата и на судовите, поради дрога и оружје, познат на улица, беше алфа и омега на „гробарската“ трибина. Последните години се стекна со статусот на најмоќниот навивач во Белград.
Со стравопочит се изговараше неговото име на стадионот, а беше и сослушуван после настан кој се случил во април годинава за напад заедно со уште неколку навивачи на Партизан врз обезбедувањето на директорот на клубот Милош Вазура.
Беше еден од оние поради кои беше создадено знаме на „Јаничарите“ и кое едно време ги красеше трибините на Партизан, особено во дерби средбите со Црвена звезда.
Видео од нападот на обезбедувањето на Вазура
https://youtube.com/watch?v=fzW7n8_A4qE