Претседателот на Естонија предупредува дека соседите на Русија мора да се подготват за најлошото

Талин: Естонскиот претседател Алар Карис смета дека соседните земји на Русија мора, како што наведе, „да се подготват за најлошото“ и оти Русија нема да се промени ниту по владеењето на претседателот Владимир Путин.

Карис за финскиот јавен сервис Yle изјави дека најважно во моментов е да се запре „руската воена машина“.

– Ќе направиме се што можеме за да ги фрлиме на колена Русија и Путин. Тогаш може да започнат сериозни дискусии за завршување на војната во Украина, рече Карис.