Утврден идентитетот на лицата кои ги нападнаа студентите во Белград додека го блокираа Правниот факултет ноќта меѓу 13 и 14 јануари, а шестмина од нив беа пренесени во болница.
На лицата Р.М, , М.С., К.М. и М.Л им е одредена мерка 48 часа притвор.
„Во однос на сите осомничени јавниот обвинител им одреди мерка притвор во траење од 48 часа поради постоење на сомнение дека сториле кривично дело Насилничко однесување по член 344 од Кривичниот законик. „Во наведениот рок осомничените ќе бидат сослушани, по што ќе биде донесена одлука за понатамошно постапување, за што јавноста ќе биде навремено информирана“, велат од обвинителството.
Ден претходно, јавниот обвинител на Првото основно јавно обвинителство Белград нареди полициските службеници да го утврдат идентитетот на сите учесници на настанот со кои е потребно да се изврши разговор, како и да се подигне медицинска документација за повреди со кои се здобиле повредените лица. Наредено е да се добијат и снимки од камерите за видео надзор лоцирани во внатрешноста на зградата на факултетот, платото пред факултетот како и околните улици, како и други податоци неопходни за расветлување на споменатиот настан, соопштија оттаму.