Приведените се уште на информативен разговор во полиција

Вкупно 13 демонстранти се приведени на синоќешните протести во центарот на Скопје по одлуката на претседателот Ѓорге Иванов да ги аболицира сите политичари од власта и опозицијата за кои се водат постапки.

Од полицијата информираат дека приведените се уште се на информативен разговор. Во протестите повреден е еден новинар од порталот Плусинфо и фоторепортер на весникот „Вечер“.

Демонстрантите синоќа, на вториот ден од протестите, ја демолираа Народната канцеларија на претседателот Иванов  во центарот на Скопје, при што се искршени прозорците и дел од мебелот од канцеларијата. Искршени се и неколку прозорци на зградата на Министерството за правда.