Веќе над половина час се одвива продолжението на конститутивната седница, а која започна по 11.30 часот, иако претседавачот Трајко Вељаноски вчера се обврза дека секоја следна ќе започнува во 11.
Прва на денешната расправа за реплика се јави пратеничката Владанка Авировиќ, по што следуваше говор на Илија Димовски, за по него да следи Зоран Ѓорѓиевски, а на тоа повторно да врати Илија Димовски.
Впрочем денешната седница се одвива, како и претходните два дена, главно помеѓу пратениците од ВМРО-ДПМНЕ или од коалиционите партии.
До сега Димовски реплицираше на Авировиќ, потоа на Ѓорѓиевски, па на Миланов Стојан, Нола Исмјлоска, Панчо Минов од ГРОМ, Горан Манојлоски, Иван Стоилковиќ па Васил Пишев.
И понатаму трае расправата за Комисијата за избори и менување, со која треба да претседава Илија Димовски, за дури потоа да се премине на избор на нов собраниски спикер.
Темите на кои се надополнуваат и надоврзуваат пратениците кои дискутираат се истите од претходните два дена, за заедничката изјава на албанските лидери, за двојазичност или кантонизација, кои албанските партии и СДСМ ги отфрлија како манипулација на ВМРО-ДПМНЕ.