Собраниската Комисија за европски прашања денеска треба да ја продолжи седница на која се расправа за Предлог законот за употреба на јазиците, во прво читање.
Со законот се предвидува доследно спроведување на одредбите од Рамковниот договор во делот на употребата на јазиците, особено на оној што го зборуваат 20 проценти од граѓаните на Република Македонија и неговото писмо (албанскиот јазик).
За предлагачот и пратениците од мнозинството, законот е дел од патот на евроатлантските интеграции на Македонија и на никаков начин не го нарушува ниту Уставот, ниту унитарниот карактер на државата.
Пендаровски: Ниту една унитарна држава со два јазика не била уништена
Вчера и премиерот Зоран Заев и вицепремиерот за евроинтеграции Бујар Османи истакнаа дека овој закон е дел од Рамковниот договор, кој пак е поврзан со евроинтеграциите и со неговото донесување се затвора последното отворено прашање од него.
За пратениците од опозицијата, пак, тој е противуставен зошто, според нив, говори и фактот што се носи со европско знаменце, иако нема никаква европска регулатива со која се усогласува и тој ќе донесе само дополнителни поделби, а не кохезија во општеството.
Дебатата за овој закон трае три дена.
Денеска во собраниска процедура влегуваат и законите за минимална плата и за стечајците. За нив ќе расправа матичната Комисија за труд и социјална политика, за кои се бара донесување по скратена постапка.