Пратениците денеска ќе продолжат со расправата за ребалансот на Буџетот за 2017 година. Во текот на вчерашниот ден пратениците од владејачкото мнозинство и опозицијата се скараа во однос на предвидените кратења во Буџетот.
Според опозицијата, кратењето неразвојно и непродуктивно, а владеачкото мнозинство смета дека тое е најмногу што може да се поправи од какао што тврдат тие, неразумниот буџет донесен од претходната власт.
Министерот за финансии, Драган Тевдовски образложувајќи го ребалансот на Буџетот рече дека основната цел е намалување на непродуктивните трошоци и обезбедување простор за мерки кои ќе значат зајакнување на социјалната кохезија меѓу граѓаните и поддршка на домашните претпријатија.
Ребалансот е проектиран на раст на економијата од 2,2 отсто наместо првично предвидените 3 отсто.
Приходната страна на буџетот е проектирана на 3,003 милијарди евра. Кај расходите, проекцијата е 3,305 милијарди евра. Дефицитот останува проектиран на 302 милиони евра.