Четворица американски војници се пронајдени мртви еден ден откако беа пријавени за исчезнати за време на воена вежба во Литванија.
Веста ја патврди генералниот секретар на НАТО Марк Руте.
Војниците, чиј идентитет се уште не е објавен, припаѓале на 1-та бригада, 3-та пешадиска дивизија на Армијата на САД.
Според првичните информации, војниците најверојатно биле во оклопно возило за опоравување М88 – едно од најголемите возила од тој тип во американската војска – за кое постои сомневање дека паднало во вода.
Според достапните информации, војниците вршеле тактичка обука на воениот полигон „Генерал Силвестрас Жукаускас“ кај Пабрада, на помалку од десет километри од границата со Белорусија.
Во соопштението се наведува дека „во тек е операција за пребарување и спасување предводена од вооружените сили на Литванија, со дополнителна помош од Службата за противпожарна заштита и спасување, како и од други институции“.
Официјалните лица сè уште не соопштуваат детали за тоа како исчезнале војниците и возилото, ниту за околностите под кои загинале.