Пропадна обидот на опозицијата за уривање на Владата на Зоран Заев“, „Северна Македонија: Без гласање за доверба на Владата, недостасува кворум“, „Како пропадна обидот на опозицијата за уривање на Владата на Зоран Заев: Еден пратеник не дојде во Собранието…“, „Владата на Заев не е соборена, опозицијата тврди дека власта киднапирала пратеник“, „Пропадна гласањето недоверба на Владата на Северна Македонија, се останува исто“…, се главни денешни наслови во српските медиуми по синоќешната политичка разврска во Собранието во Скопје.
„Северна Македонија, Пепелашка е сепак машко“ , со овој наслов Државната телевизија на Србија известува за случувањата поврзани со иницијативата за гласање (не)доверба на Владата.
-Македонскиот премиер Зоран Заев успеа политички да ја преживее жестоката офанзива на опозицијата која само за еден глас остана покуса , за рушење на владата, откако 61-иот пратеник Кастриот Реџепи не се појави до полноќ во Собранието. Во текстот со доза на бајковитост , Реџепи се поистоветува со Пепелашка која ја снема од балот.
Утрешното издание на весникот „Политика“ на својата насловна страна донесува – На политичката сцена во Северна Македонија се случи „политичка драма“ во која главниот протагонист Заев е спасен благодарение на „ исчезнат“ пратеник кој потоа се самопријави дека не е киднапиран, како што обвинува опозицијата.
„Блиц“ пишува „ неуспешна смена на владата на Заев“ бидејќи еден од потписниците на иницијативата за гласање недоверба се предомислил и не дошол на седницата.
„Б92“ објавува: Владејачката коалиција во Македонија го спречи гласањето за доверба на владата, кое уследи по, локалните избори.
Речиси сите текстови го нотираат фактот на премислувањето на пратеникот Реџепи, натаму ситуацијата се поврзува со исходот од локалните избори, но и се доведува во корелација со најавите за отворање на преговорите со ЕУ , до крајот на годината.