Со напуштање на работните места, улични прошетки и палење на своите градници на јавни места, илјадници жени низ Швајцарија денеска протестираа поради половата нееднаквост,сексизмот и сексуалното насилство.
Од овие први протести на Швајцарките по 28 години, е побарано изедначување на платите меѓу мажите и жените, како и повисоки примања за наставниците, негувателите и домашните помошници, професии во кои главно работат жени.
Протестите започнаа синоќа на полноќ во Лозана, каде неколку илјади жени се собраа пред градската катедрала, која беше обоена во розово – официјалната боја на движењето.
Организаторите на протестот апелираа до жените да ги напушта своите работни места во 15.34 часот, бидејќи како што објаснија, тие врз основа на платите што ги примаат треба да работат до ова време, доколку се споредат со просечните примања на мажите за цело работно време.