Пeдесетина демонстранти неформално и денеска излегоа на протест пред Специјалното јавно обвинителство каде што се одржува 15-от протест по одлуката на претседателот Ѓорѓе Иванов за колективна аболиција.
Протестот за разлика од претходните денови, не е масовен бидејќи движењето „Протестирам“ денеска посочи дека за време на празниците протестите ќе стагнираат.
Сепак, група граѓани одлучија и денеска да се појават на вообичаеното збирно место. Протестот е мирен, граѓаните ја блокираа улицата пред седиштето на Специјалното обвинителство и засега нема информации дали граѓание ќе останат на оваа локација или ќе маршираат кон друга институција.
