Протест пред Собранието против новите мерки за невакцинираните

Пред почетокот на новите рестриктивни мерки за ковид-19, кои важат од утре, 16 август, вечерва во Скопје пред Собранието се одржа мирен протест. Учесниците, меѓу кои беа и сопственици и менаџери на угостителски објекти, како и граѓани кои се со став дека со новите мерки се врши дискриминација на граѓаните, носеа транспаренти на кои пишуваше:  „Мое тело – божја сопственост“, „Моето тело е мој избор“, „Заштити ја планетата, отстранија ја елитата“, „Стоп за присилна вакцинација“ и други.

Со новите мерки, за влез во затворени објекти, но и на настани на отворено каде има повеќе од 30 луѓе, граѓаните ќе може да влезат со приложување потврда за вакцинација, барем со една доза, како и оние кои пред 45 дена го прележале ковид-19.