Владата упати извинување до Австрија за ненамерниот протоколарен пропуст при посетата на сојузниот канцелар, Себастијан Курц, кога наместо австриското беше поставено летонското знаме пред зградата на Владата.
– Пропустот е направен од страна на службите за протокол на Владата на Република Македонија и на Министерството за надворешни работи, а до него дошло поради големата сличност во димензиите и колоритот на знамињата на Австрија и Летонија, се вели во соопштението од владината прес-служба.
Австриското знаме е со правоаголна форма и е поделено на три еднакви правоаголници, црвен-бел-црвен, додека знамето пред Владата беше со потесен бел правоаголник. Дел од присутните на платото пред Владата реагираа дека поставеното знаме наликувало на латвиското, но тоа е со друга, темно-црвена боја.
На прес-конференцијата грешката беше исправена и таму стоеше вистинското знаме на Австрија.