„Персиска трка“ е насловот на првиот меѓународен атлетски маратон што во петок ќе се одржи во Техеран. На настанот во иранскиот главен град ќе учествуваат натпреварувачи од преку 40 држави во светот.
Маратонот ќе опфати и женска трка што ќе биде засебна од машката. Според Маџид Кејхани, претставник на атлетската федерација на Иран, 50. припаднички на понежниот пол колку што се пријавени ќе трчаат во стадион бидејќи, како што рече, само на мажите им е дозвоено да трчаат низ улиците на престолнината.
Маратонот е отворен за атлетичари од целиот свет, но Кејхани не можеше да прецизира кои земји ќе имаат свои претставници. Од балканскиот регион ќе учествува атлетичар од Хрватска што може да се види на интернет страницата на „Персиска трка 2017“.
Покрај натпреварувачкиот дел, за учесниците на маратонот е обезбедена и седумдневна екскурзија по најзначајните локалитети на иранката историја и култура.