Белгиските власти го потврдија првиот смртен случај на Ковид-19, во земјата. Станува збор за 90-годишен пациент хоспитализиран во Брисел.
„И покрај сета медицинска нега, денеска почина 90-годишен пациент“, изјави министерката за здравство, Маги де Блок.
Властите им изразија сочувство на членовите на семејството на починатиот, а прес конференција е предвидена претпладнево. Белгија сè уште се наоѓа меѓу втората и третата фаза на безбедност во однос на пандемијата, а трите региони во земјата не успеваат да се усогласат за мерките.
Додека Брисел и Валонија преземаат построги мерки како откажување на собири со повеќе од илјада лица во затворени простори, властите во северниот регион Фландрија стравуваат пред сè за економските последици од таквите мерки.