Прва јавна седница по жалбите за притворите за собраниските протести

Денеска во 14 часот е закажана првата јавна седница на која ќе се разгледуваат жалбите на притворените, осомничени за насилните протести во Собранието на 27. април. Расправа на јавна седница побараа актерот Владо Јовановски и осомничените Горан  Ѓошевски, Мунир Пепиќ и Оливер Поповски.

До Апелациониот суд во Скопје вкупно се стигнати 16 жалби за продолжувањето на притворот.

Кривичниот совет на скопска единица, на 27 декември, донесе одлука и го прифати предлогот на обвинителството за организиран криминал и за 23 осомничени ја продолжи мерката притвор за уште 30 дена. На 6 осомничени судот им ја продолжи мерката куќен притвор.