Првите резултати од излезните анкети покажуваат дека партијата на актуелниот холандски премиер Марк Руте е победник на парламентарните избори. Зад него е најголемиот негов ривал Партијата за слобода на антиимигрантот и еден од најголемите расисти во Европа, Герт Вилдерс.
Неговата партија на десниот центар освоила 31 од вкупно 150 места во парламентот, покажуваат анкетите.
Партијата на Руте води пред три други партии меѓу кои е онаа на Вилдерс, Христијанско демократската и Демократската партија Д66, секоја со освоени по 19 места.
Резултатите укажуваат дека добар резултат постигна и Партијата на Зелените со освоени 16 места, додека СОцијалистичката освоила 14, а Работничката партија 9.
Народната партија за слобода и демократија иако е победник, на овие избори, според овие резултати, освоила 21 процент од гласовите, што е за 6 проценти помалку од оние 27 отсто во 2012 година.
Вилдерс пак, за време на кампања привлече големо внимание, и неговите освоени 13 проценти од гласовите се за три отсто повеќе од минатите избори.
На партијата на Руте ќе и бидат потребни најмалку уште три партии да за обезбеди мнозинство, а преговоте за влада се предвидува дека ќе траат најмалку три месеци.
Анкетите укажуваат дека излезноста на крајот може да достигне и до 80 проценти, што според аналитичарите може да биде од корист за про ЕУ и либералните партии.
Изборите во Холандија се следат со големо внимание, како индикатор за тоа како би поминале останатите популистички партии на изборите во другите земји од ЕУ.
Следниот месец Французите ќе гласаат за нов претседате, додека Германија во септември ќе одржи парламентарни избори.
Вилдерс, уште познат како холандскиот Доналд Трамп, на Твитер им се заблагодари на поддржувачите и предупреди: „Руте долго време нема да се ослободи од мене“.
Во меѓувреме, шефот на Кабинет на германската канцеларка Ангела Меркел и честиташе на Холандија на „одличниот резултат“.
„Холандија, ах Холандија, ти си шампион“, напиша Питер Алтмаер на Твитер.
Мартин Шулц, кој до почетокот на годинава беше претседател на Европскиот парламент, а на изборите во Германија ќе и се спротивстави на Меркел изјави дека му „олеснило“ што партијата на Вилдерс изгубила.
-Мора да ја продолжиме борбата за отворена и слободна Европа, напиша Шулц (на германски јазик) на Твитер.