Сочувство до бразилкиот клуб Шапекоенсе и семејствата на трагично загинатите во авионската несреќа во Колумбија стигнуваат од сите страни во светот. Но, и најави за солидарност и помош за „зелениот ураган“ како што популарно ја нарекуваат гордоста на Шапеко, град со 200.000 жители во сојузната држава Санта Катарина. ПСЖ ја извести Светската фудбалска асоцијација (ФИФА) дека ќе донира 40 милиони евра во клупската каса, а Јужноамериканската асоција (КОНМЕБОЛ) најави директно учество за екипата во Копа Либертадорес и во Суперкупот во наредната сезона.
Дека фудбалот е одличен фактор за обединување и на најголемите ривали покажуваат и двата важни предлога што доаѓаат од сите бразилски клубови. Првиот е заедничкото барање до фудбалската федерација на Бразил да овозможи играње на Шапекоенсе во тамошната Серија А без разлика на резултатите (да не може да испадне во понизок ранг). Екипите од елитниот бразилски фудбалски ранг се согласни да испратат по тројца свои играчи со Шапекоенсе на безплатна позајмица за наредните сезони што, секако, се гестови за почит.