Трансферот се планира за наредното лето и доколку се реализира ќе го надмине, засега, рекордот на Пол Погба од Јувентус во Манчестер Ј. за 105 милиони евра
ПСЖ се подготвува за финална офанзива за купување на Нејмар. Француските медиуми откриваат дека управата на „светците“ е расположена да одвои 222 милиони евра за услугите на Бразилецот од Барселона. Толку изнесува откупната клаузула во договорот на бразилскиот ас со каталонскиот гигант по завршување на оваа сезона, а се зголемува во секоја нова.
Трансферот се планира за наредното лето и доколку се реализира ќе го надмине, засега, рекордниот премин на Пол Погба од Јувентус во Манчестер јунајтед за 105 милиони евра. Најави со вака финансиски тешки договори од кои боли глава се само уште еден показател дека фудбалот од најважна споредна работа во светот се претвора во бизнис. Во главна улога на сцената се богатите Арапи и Кинези кои доминираат во раководните структури на многу клубови и не прашуваат за цена кога некоја ѕвезда ќе им падне во очи.