Сменетиот претседател на каталонската влада Карлес Пучдемон ја критикуваше пасивноста на европските политичари во однос на солидарноста со распуштената каталонска влада и нејзините уапсени министри.
Во интервју од Брисел за каталонското радио, Пучдемон рече дека постои „аполутна поврзаност меѓу интересите на народот и европските елити“ и дека проблемот на Каталонија е „прашање на човековите права кое бара максимално внимание“, пренесува АП.
Пучдемон се обидува да не биде екстрадиран во Шпанија каде осуммина членови на распуштената каталонска влада во моментов се во притвор без право на кауција додека ги чекаат резултатите од истрагата дека се автори на сценариото за отцепување од Шпанија.
Централната власт во Шпанија сега го држи под контрола североисточниот полуавтономен регион, во кој, според првите анкети пред изборите закажани за 21 декември, се подготвува трка меѓу сепаратстите и приврзаниците на обединувањето.
Пучдемон заедно со четворица свои министри пристигна во Брисел пред една недела, откако централната влада на Шпанија ја смени каталонската извршна власт на 28 октомври и воведе директна контрола врз регионот, чие прогласување на независноста не го призна, а Уставниот суд соопшти дека одвојувањето на Каталонија од Шпанија е незаконско.