Дваесетгодишната војна и американското присуство во Авганистан беа „трагедија“ за таа земја, изјави денеска рускиот претседател Владимир Путин, еден ден по завршување на операцијата за повлекување на САД.
Дваесет години американски војници беа присутни на оваа територија и дваесет години се обидуваа да ги „цивилизираат “луѓето што живеат таму. А всушност, ги наметнуваа нивните норми и стандарди на живеење. Како резултат, само трагедии. Само загуби. И за оние што го направија тоа, за САД, а уште повеќе за луѓето што живеат во Авганистан, изјави Путин за време на турнејата на Далечниот исток на Русија, пренесува агенцијата ТАСС.
Што се однесува до иднината на таа земја по повлекувањето на САД и нивните сојузници, Путин смета дека е „невозможно да се наметне нешто однадвор“.