Американската листа со 210 имиња на руски политичари и бизнисмени ќе ги наруши и онака лошите односи Вашингтон – Моксва, порача рускиот претседател Владимир Путин.
-Се работи за непријателски акт насочен против Русија, изјави и во изјавата што ја пренесе Раша Тудеј, тој се пошегувал дека е навреден зошто го нема неговото име на списокот.
Листата на руски државјани за кои се верува дека имаат корист од владеењето на Путин е составена како дел од конгресен закон , чија цел е да се казни Русија за мешање во претседателските избори во САД во 2016 година.
Засега нема да бидат воведени санкции против посочените , иако поголем број од нив веке се опфатени со претходните американски санкции. Според директорот на ЦИА Помпео, Русија веројанто ќе се обиде да влијае и врз американските претседателски избори во 2018.
Во понеделникот американското Министерство за финансии требаше да му поднесе на Конгресот детален извештај за руските олигарси и за високи официјални лица, рангирани според богатството кое го поседуваат и нивната врска со Кремљ. Тоа стои во законот кој американскиот Конгрес го усвои во летото 2017 година, како одговор на руските акции во Украина и поради можното мешање во претседателските избори во 2016 година. Освен тоа, се очекуваше дека во извештајот ќе ги има и врските на овие богати Руси со клучни бранши во американската економија, како и евентуални случаи на корупција.