Виена: Американскиот министер за енергетика Крис Рајт на денешната конференција на Меѓународната агенција за атомска енергија (МААЕ) изјави дека иранската програма за збогатување на ураниум треба целосно да биде прекината.
Доколку сè уште не е доволно јасно, ќе го повторам ставот на САД за Иран. Нуклеарната програма на Иран, вклучувајќи ги сите капацитети за збогатување (ураниум) и преработка (плутониум), мора целосно да биде прекината, посочи Рајт во Виена.
Додека извршниот директор на руската државна корпорација за нуклеарна енергија „Росатом“, Алексеј Лихачов наведе дека прашањата поврзани со иранската нуклеарна програма можат да се решат само по дипломатски пат.
Го поздравуваме договорот постигнат на 9 септември меѓу Иран и МААЕ. Ова е одличен пример дека дури и најсложените задачи можат да се решат преку дијалог. Подготвени сме да соработуваме на кој било начин во потрагата по преговарачки решенија засновани на меѓународното право и во согласност со Договорот за неширење на нуклеарно оружје, посочи Лихачов.