Согласно членот 23 од Законот за мирно решавање на работни спорови, кога ќе изброите 20 дена, денеска е 27-ми јуни и никој досега не не повикал. Од утре веќе нема што да се помируваме, рече претседателот на Сојузот на синдикати на Македонија (ССМ), Дарко Димовски во емисијата „Топ тема“.

„ССМ е со ставот дека треба да се случи тоа што ни беше ветено на 1-ви мај. Доколку тоа не се случи, ние ќе го бараме излезот во Собранието преку овој амандман. За утре идејата ни беше да поставиме столчиња колку што има во Комисијата за буџет и финансии, но ете ја одложија таа Комисија и не се знае дали ќе биде во четврток или петок“, вели Димовски.

Димовски појаснува дека „ако се забави проблемот, треба секој да не викаат и да седиме во пет часот и да се убедуваме“.

„Денес читаме твитови дека „ние ништо не работиме како државна администрација“. Не е точно, ние работиме за тие што не одат на работа. Тоа е од нивните редови, тие партиски војници, бидејќи излезе анализа дека јавната администрација пораснала за 2500 работници. Добро е ако се работници, но ние знаеме дека имаме неработници кои се на платен список и сето тоа се одразува на нас како даватели на јавен сервис на граѓаните. Тие што ги гледате по шалтерите на столчињата тие се работниците, а тие што не ги гледате, а ние бидејќи работиме за двајца или тројца што не одат на работа, не може нашите да ги нарекувате неработници, затоа што ферски си ја работат работата и заработуваат парче леб“, рече Димовски.