За прв пат од почетокот на воените меѓународни интервенции во Сирија, НАТО денес испрати Авакс радар авиони за набљудување како поддршка на меѓународната коалиција против терористичката организација Исламска држава, изјави денес генералниот секретар на НАТО Јенс Столтенберг.
Принципот на поддршка со авионско набљудување беше одобрен од сите 28 земји членки на Алијансата на самитот во Варшава во јули годинава и започна на 20 октомври, изјави првиот човек на НАТО.
Сојузниците во НАТО дебатираа повеќе месеци околу ова барање на САД за испраќање на радар авион како замена за американските авиони кои ја вршеле оваа мисија во борбата против тероризмот.
Најголема пречка беше германското противење за директен ангажман на НАТО во сирискиот конфликт. Берлин стравува дека овој ангажна може уште повеќе да ја влоши ситуацијата па од тие причини НАТО сојузниците бараа компромис и одлучија овие авиони да не летаат над ирачка и сириска територија. Авионите ќе оперираат во воздушниот простор на Турција и меѓународниот простор над Медитеранот околу Ирак, Сирија и Либија.
Авионите нема да учествуваа во борбите но ќе даваат воздушни снимки кои треба да и помогнат на коалицијата, прецизираше Столтенбер.
Истовремено НАТО назначи претседател на разузнавачката служба на НАТО а функцијата му припадна на Арнд Фреитаг вон Лорингховен, поранешен потпретседател на германската разузнавачка служба а сега амбсадор на Германија во Чешка.
НАТО за прв пат воведува ваква функција која има задача да ги хармонизира разузнавачките служби на 28те земји членки.
Цел на оваа служба е подобро набљудување на Русија и зајакнување на капацитетите во борбата против тероризмот.