Published: Thursday, January 20, 2022 14:27
Има многу позитивни сигнали од посетата на премиерот Кирил Петков на Скопје, ја коментира бугарскиот претседател Румен Радев посетата на бугарската делегација во земјава.
– Сепак, се надевам, како што кажав вчера од собраниската говорница, заедно со сите напори за подобрување на поврзаноста, инвестициите, економијата, соработката, да не ги заборавиме клучните прашања што треба да се решат и всушност ќе ја отклучиме вратата за почеток на преговорите, рече Радев.
Тој како клучни прашања ги наведе вклучувањето на македонските Бугари во Уставот на рамноправна основа со другите националности, прекин на говорот на омраза и секакви навлегувања во бугарската историја и култура.