Сања Дамњановиќ заминува од ЖРК Вардар на крајот на сезоната. Следната станица во нејзината кариера е унгарски Шиофок, клуб кој на своја интернет страница ја објави веста за постигнатиот договор со српската репрезентативка.

„Никогаш не сум играла во Унгарија, но знам дека унгарското првенство е едно од најсилните во Европа. Предизвик ми е да се докажам што го правев и во секој тим досега. Запозната сум со визијата и амбициите на клубот, се прави добар тим. Се надевам дека ќе бидам од помош за остварување на целите“, стои во дел од изјавата на Дамњановиќ по официјализирање на соработката.

Сања Дамњановиќ е во ЖРК Вардар од 2015 година. Кариерата ја почна во Земун, а во Србија играше и за Црвена звезда, Раднички, Наиса Ниш и Заечар. Интернационалка стана во 2008 година во која се приклучи на словенечки Крим, по две сезони, потоа, настапуваше и за Подравка во Хрватска и за Виборг во Данска од каде пристигна во Скопје.