Европскиот клупски првак Кјелце попладнево (17.30 ч.) во СЦ „Јане Сандански“ на тест кај ракометарите на Вардар во дербито на шестата рунда во шампионската Лига на ЕХФ. Влогот на мечот е прво место во групата Б што обезбедува директен пласман во четвртфинаето. Моментно го држи Рајн Некар Левен на Дејан Манасков, но бундеслигашот ќе биде потиснат од побдникот во Скопје.
„Очекувам добар натпревар. Кјелце заслужува респект и го има кај нас. Мора да одиграме цврсто во одбраната, да ги неутрализираме противничките играчи и максимално да ги користиме нашите контри. Сакаме полна сала и поддршка од трибините каква што имавме и досега. Потребни нѝ се сите навивачи“, апелира тренерот Раул Гонзалез.
Кјелце допатува во Скопје во ослабен состав. Меѓу Полјаците ги нема Јурецки, Храпковски и Валчак, а згора на тоа и резултатски не им оди баш најдобро во изминатиот период. Под притисок е тренерот Талант Душебаев и покрај ппозитивниот скор во пресметките со „црвено-црните“. Добија три од четирите досега меѓута сè уште го паметата ланскиот дебакл што им го нанесоа вардарци с 34:24.
„Секој меч со европски шампион е тежок. Таков ќе биде и овој нас. Исходот нѝе важен бидејќи наша цел е првото место во групата. Мора да бидеме паметни, да бидеме подготвени за секоја нивна акција и да ги реализиме нашите шанси. Ќе се обидеме да одиграме со што помалку грешки и што повеќе да ги користиме контрите“, вели Алекс Душебаев, шпанскиот десен бек во редовите на Вардар кому денешниот противник ќе биде нова станица во неговата кариера од наредното лето.