Ракометарките на Вардар вечерва ќе атакуваат на прва победа во групната фаза во Лигата на шампионите сезонава. Во СЦ „Јане Сандански“ гостува Лајпциг, а меѓу тренерскиот тим на клупата на домашните ќе биде и спонзорот на екипата Сергеј Самсоненко. Покрај него, насоки на девојките ќе даваат и Едуард Кокшаров, спортски директор на женскиот првак на Македонија и Аце Станковски, кој и досега беше дел од стручниот штаб. Триото е како привремено решение до пронаоѓање на наследник на Индира Кастратовиќ.
Индира Кастратовиќ, по четири минати години на клупата на ЖРК Вардар, минатиот викенд доби отказ. Одлуката на клупското раководство дојде како последица на нерешените 27:27 со Ференцварош во петокот во Скопје во воведниот меч во ЛШ за оваа сезона.
Мечот почнува во 20,30 часот.