Младата ракометна репрезентација на Македонија не успеа да слави против Португалија во второто коло на квалификацискиот турнир во Скопје за пласман на Светското првенство во Алжир. На крајот конечни 21:21 во натпревар во кој избраниците на Илија Темелковски ја имаа победата во џеб. Во финишот на средбата влегоа со 21:19 и со напад за плус три меѓутоа, за жал, рамки на голот беа сојузници на Португалците.
За разлика од дуелот со Полска, младинците овојпат одиграа две различни полувремиња. Првото лошо што го завршија и со негатива од пет гола (9:14). Но, за среќа возвратија со иста мера во второто (12:7). Решително тргнаа во анулирање на минусот и успеаја во тоа за што најголема заслуга има голманот Томовски.
Упорноста и голманските интервенции и донесоа израмнување (19:19) на Македонија во 50 минута за нешто подоцна преку Велковски и прво водство во вториот дел. Португалците никако не успеваа до реализација во тие моменти, а момчињата во црвено забележаа и нова за 21:19. И кога се чинеше дека работата е завршена, се случи спротивното. Два промашени напада и пробивање кога беше најпотребно, подароци што го казнија гостите и со два гола дојдоа до 21:21. Го имаа и последниот напад пришто Томовски не дозволи да биде совладан.
Утре напладне Португалија ќе игра со Полска, а од 14.30 часот и Македонија против Турција во мечевите од третото последно коло. Најповолна за нас би била победа на Полска или реми што ќе значи пласман на младата репрезентација над СП 2017. Со триумф против Турција, секако.
Најефикасен македонски ракометар вечерва беше Талески со 6 гола, Велковски и Палевски постигнаа по 3, Томовски го заврши мечот со 11 одбрани. Соареш Мартинс ги предводеше Португалцитее со пет погодоци.
Во вториот меч во групата Полска ја совлада Турција со 31:22. Португалија и Македонија имаат по 3 бода, Полска има 2, Турција е без бодови по две одиграни кола.