Машката ракометна репрезентација на Македонија ја заврши првата фаза на подготовки за Светското првенство од 11 до 29 јануари. Националниот тим попладнево се симна од Маврово и се врати во главниот град. Следува мини-пауза поради ногодишните празници, а подготовките продолжуваат од понеделник и до заминување за Франција се планирани и три контролни средби со БиХ (во вторник, во среда и во четврток).
Селекторот Лино Червар објави нов список со 21 ракометар за кој смета за финалното темпирање на формата за настап на мундијалот. Дополнително е повикан голманот Никола Митревски, а Филип Талески, Марко Нелоски и Мартин Велковски се ослободени од обврски кон сениорската селекција поради квалификацискиот турнир од 4 до 6 јануари во Скопје за пласман на СП 2017. Противници на составот на Илија Темелковски се Португалија, Турција и Полска, само најдобриот во групата ќе патува на завршницата во Алжир.
Конечниот список на репрезентативци за мундијалот е најавен по Божик.