Во изминатите 24-часа во Грција се регистрирани 1.797 нови случаи на ковид-19, починаа осум лица, а 168 пациенти се приклучени на апарати на Одделите за интензивна нега, јави дописничката на МИА од Атина.
Од новите случаи, 1.026 се регистрирани во областа Атика, поширокиот регион на Атина, а осум се регистрирани на влезните точки во земјата. За разлика од минатата недела, зголемен е бројот и на направени тестови, вкупно 66.464 од кои 50.808 се рапид тестови, а останатите ПЦР.
Негативен тест од вчера е задолжителен за невакцинираните лица, кои сакаат да патуваат на грчките острови, а бесплатни рапид тестирања се вршат на 130 локации низ целата земја.
Последен пат, над 1.700 новозаразени во Грција имаше на 1 јуни годинава. Поради зголемениот број нови случаи, заменик-министерот за цивилна заштита Никос Хардаљас за попладнево зкажа вонредна прес конференција.