Не успеа референдумот во Ново Село на кој се гласаше за работата на рудниците на територијата на оваа Општина. На гласачките места не излегоа потребните 50 одсто плус еден од запишаните 11438 граѓани со право на глас.
Граѓаните на Ново Село се изјаснуваа за две референдумски прашања: Дали сте за или против отворање на рудникот за злато и бакар Иловица? и Дали сте за или против отворање на рудници за металични минерални суровини на територијата на општина Ново Село?
Референдумот во општина Ново село беше шестиот во југоистокот. Во Гевгелија, Богданци и Дојран беа успешни каде граѓаните кажаа против рудници. Во Валандово, Босилово и Ново село заради неизлезност на гласачкиот електорат пропадна можноста граѓаните преку референдум да го кажат своето мислење за рударски капацитет во нивните средини.