Во општина Богданци заврши референдумското изјаснување на граѓаните. Според официјалните податоци од Општинската изборна комисија излезноста е 61 процент отсто, што значи дека референдумот е успешен. 98 проценти од излезените граѓани на оваа општина, гласале „ПРОТИВ“ продолжување на работата на рудникот Казандол.
Жителите на оштина Богданци денеска на референдум се изјаснуваа дали се за или против изградбата на рудникот за бакар Казандол и за отворање на рудници на територијата на општината.
Прашањата за кои се изјаснуваа се: „Дали сте „ЗА“ или „ПРОТИВ“ продолжување со работа на рудникот Казандол?“ и „Дали сте „ЗА“ или „ПРОТИВ“ отворање рудници на територијата на општината?“.
Во Избирачкиот список се запишани вкупно 6.918 лица, а се гласаше на 12 избирачки места.