Централниот Штаб на Внатрепартиската Иницијатива за демократизација и модернизација на ВМРО-ДПМНЕ денеска одржа состанок на кој како што се наведува во соопштението присуствувале 245 од поканетите 250 активисти на ВМРО-ДПМНЕ,
активисти од Републичкиот штаб, 19 Окружни и сите Општински штабови низ Република Македонија.
На состанокот на кој се разгледувала реализацијата на планот за работа за 2017 година и актуелната состојба со закажаниот вонреден Конгрес на партијата, донесена е одлука да не истакнат кандидат на конгресот на партијата на 23 декември, а секој од членовите по слободна волја у убедување да учествуваат и евентуалната поддршка на некој од предложените кандидати за претседател на ВМРО-ДПМНЕ, да ја изразува нивната слободна волја и убедување од една страна, но особено да ги имаат во предвид принципите и заложбите на внатрепартиската иницијатива и барањето за демократизација на Статутот на партијата.
На денешниот состанок, како што се вели во соопштението, констатирано е дека Внатрепартиската Иницијатива за демократизација и модернизација на ВМРО-ДПМНЕ во голем дел ги исполни зацртаните активности, согласно Планот за работа за 2017 година.
-Внатрепартиската Иницијатива беше започната со цел темелна имплементација на принципите и вредностите за демократизација, модернизација, европеизација и обединување на ВМРО преку ВМРО-ДПМНЕ. Во таа смисла Иницијативата ќе продолжи со активностите сè до конечна реализација на целите.
Во поглед на закажаниот вонреден Конгрес на ВМРО-ДПМНЕ во Валандово, Централниот штаб ги реафирмира принципите и вредностите наведени во Декларацијата за демократизација и модернизација на ВМРО-ДПМНЕ и Декларацијата “Европско ВМРО-ДПМНЕ за европска Македонија” пред личностите и борбата за преземање на обврската да се управува партијата. Од тие причини, нема да предложиме кандидат за претседател на овој Конгрес.
Начинот на кој се повика и брзината со кој се организира овој вонреден Конгрес, за жал може да биде причина за негово повторување во блиска иднина, се вели во соопштението.