Нов регионален спортски проект ќе почне напролет, но не фудбалски, што беше и сè уште е топ тема овие денови. На 4 март во 2017 година ќе заживее заедничка лига во бокс со учество на клубови од Македонија, Србија, БиХ и Хрватска.

Договорот е постигнат во изминатиот викенд на состанок во Бања Лука на кој покрај домашната Славија учествуваа и претставници на Вардар (Скопје), Војводина (Нови Сад), Спартак (Суботица), Лазаревац, Лозница, Радник (Бјелина) и Сесвете (Загреб). Во март и април се планирани по два боксерски викенда и уште три во мај.

Натпреварувачкиот календар ќе биде усвоен на состанок на 16 март во Загреб. Со ова боксот станува прв индивидуален спорт со регионална лига што веќе се одржува во кошарка, ракомет, ватерполо и хокеј на мраз.