Глобалниот воен трошок во минатата година достигна највисоко ниво во последните три децении, при што САД, Кина и Индија издвојуваат најмногу за таа намена, објави денеска Меѓународниот институт за истражување на мирот со седиште во Стокхолм (СИПРИ). Во 2019 година се потрошени вкупно 19,1 илјади милијарди долари за воени потреби, што претставува зголемување за 3,6 отсто во однос на 2018 година, се вели во извештајот.
Воените трошоци вклучуваат плати, трошоци за операции, набавка на оружје и опрема и трошоци за истражување и развој, а Институтот наведува дека постојат релевантни податоци за 150 од 169 земји кои ги анализирале.
Најголема сума пари потрошиле САД за својата армија, во вкупна вредност од 732 милијарди долари, што претставува повеќе од третина (38 отсто) од вкупните глобални трошоци. Второрангираната е Кина која, според СИПРИ, издвоила 261 милијарда долари што е 14 отсто во глобалните трошоци.
СИПРИ посочува дека за првпат две азиски земји, Кина и Индија се наоѓаат во топ 3 во светот по расходи за воена намена.