Републиканскиот сенатор Џон Мак Кејн изјави вчера дека политичките информатички напади на Москва врз американските разузнавачки служби се воен акт.
«Ова е воен акт. Со обидите за уништување на основите на демократијата се уништува целата земја», изјави сенаторот кој е познат по своите остри напади врз рускиот претседател Владимир Путин кого често го нарекувал «деликвент» и «убиец».
Сепак тој малку го ублажи овој вербален напад велејќи дека не станува збор за нуклеарен напад: «Велам само дека нападот врз фундаменталните структури на една земја е воен акт».
Вашингтон ја обвинува Русија дека упаднала во електронските пошти на повеќе високи функционери од Демократската партија како мејлот ма Џон Подеста, близок со Хилари Клинтон. Овие електронски пораки потоа беа објавени на интернет пред се на Викиликс во текот на последниот месец од изборната кампања во САД.
Основачот на Викиликс Џулијан Асанж тврди дека Русија не изворот од кој стасале објавените мејлови.
Мак Кејн организира денес во Сенатот сеанса на која треба да бидат сослушани сведочењата на високи функционери на разузнавачките служби на САД.
Викиликс пак во вторникот вети награда за секоја разузнавачка информација од Белата куќа пред заминувањето на Барак Обама од претседателската функција.
«Известување до информатичките администратори: не ја оставајте Белата куќа повторно да ја уништи историја на САД! Копирајте ги документите сега и пратете ги во Викиликс кога сакате!» објави Викиликс на Твитер.
И понуди 20.000 долари за секоја информација која би дозволила апсење на секој агент од администрацијата на Обама кој уништил важни документи.
Асанж потоа даде долго интервју на Фокс телевизијата од амбасада во Екватор во Лондон каде се наоѓа од јуни 2012 година. Тој одби да го именува изворот кој на Викиликс му ги дал мејловите на Подеста и Клинтон помеѓу кои и три говори на кандидатката за претседател во банката Голдман Сакс кои сведочат за нејзините врски со финансиските кругови на Вол Стрит.
Клинтон ја обвини Москва за упадот во електронската пошта а ова мислење го дели и американската администрација. Клинтон го обвини Викиликс дека му помогнале на Доналд Трамп да стане претседател.