Вкупно 60.350 земјоделци досега поднеле барања за субвенции. Рокот за аплицирање истекува утре (31 јули). Од Министерството за земјоделство, шумарство и водостопанство (МЗШВ) апелираат здо емјоделците да го запазат рокот за поднесување барања за да се продолжи постапката за обработка на решенијата за исплата на субвенциите.
„Најголем број земјоделци, 60.350, аплицираа за субвенции, а според информациите од подрачните единици во текот на денешниот и на утрешниот ден се очекува оваа бројка да се зголеми. Сите земјоделци кои сакаат да поднесат барање, може да го сторат тоа самостојно, по електорнски пат преку регистрирање во системот на веб страницата на Агенцијата за финансиска поддршка во земјоделството и руралниот развој www.ipardpa.gov.mk, заклучно со утрешниот ден (петок) до 00:00 часот“, велат од МЗШВ.
До утре на полноќ се поднесуваат барања за субвенции за растително производство (поледелски и градинарски култури, лозови и овошни насади), за сточарско производство (одгледувачи на говеда, на овци, на кози, на пчели и на свињи), како и за заклани животни во кланица.