Звездата на Реал Мадрид дојде до 65. гол за Португалија. Во Европа, пред него се само Роби Кан (68), Клосе (71) и Пушкаш (84).
Да се постигнат четири гола против Андора не е подвиг за историја, но за Кристијано Роналдо „покерот“ во дуелот со аутсајдерот (6:0) во Авеира му помогна да испише нови златни страници во биографијата. Асот на Реал Мадрид во мечот од второт коло на квалификациите за СП 2018, стигна до 65. „рецка“ во репрезентативниот дрес, па на вечната листа на стрелци во Европа го престигна Швеѓанецот Златан Ибрахимовиќ (62) и се стреми кон трето пласираниот Роби Кин од Република Ирска (68).
Тие двајца веќе не можат да го поправат учиникот, бидејќи се збогуваа од играњето за националниот тим, што многу порано го стори и актуелниот вицешампион, Германецот Мирослав Клосе (71). Убедливо најдобар голгетерски резултат го има легендарниот Унгарец Ференц Пушкаш, чии 84 голови и натаму делуваат недостижно за Роналдо, кој во февруари наполни 31 година.
Од друга страна, на Кристијано никој не му дише во врат од активните фудбалери, а најблиску е Англичанецот Вејн Руни (53), кој најави крај на репрезентативната кариера после СП 2018 година и Холанѓанецот Робин Ван Перси (50), кого актуелниот селектор Дени Влинд засега не го повика во А тимот во тековниот циклус.
„Секогаш давам се што можам кога играм за Португалија, но не мислам дека сум побитен од останатите репрезентативци“, истакна Роналдо на кого ова му беше четврти хет-трик во најдрагиот дрес, во 134 настапи.
Што се однесува до светската листа на најдобри стрелци во дресот на репрезентацијата, тука уште којзнае колку време нема да има смена на врвот. Неприкосновениот број еден е Иранецот Али Даи (47), кој од 1993 до 2006 година, дури 109 пати ја тресеше мрежата на ривалот, а одигра 149 натпревари.
На јужноафриканскиот континент, од активните играчи најефикасен во дресот на репрезентацијата е Аргентинецот Лионел Меси со 56 голови, а зад него е пет години помладиот Бразилец Нејмар со 49. На третата позиција е уште еден офанзивец на Барселона, Луиз Суарез од Уругвај, со 46 погодоци.
СВЕТ
1.Али Даи (Иран) 109
2.Ференц Пушкаш (Унгарија) 84
3.Кунишиге Камамото (Јапонија) 80
4.Хусеин Саед (Ирак) 78
5.Пеле (Бразил) 77
ЕВРОПА
1.Ференц Пушкаш (Унгарија) 84
2.Мирослав Клосе (Германија) 72
3.Роби Кан (Ирска) 68
4,Кристијано Роналдо (Португалија) 65
5.Златан Ибрахимовиќ (Шведска) 62
АКТИВНИ
1.Кристијано Роналдо (Португалија) 65
2.Вејн Руни (Англија) 53
3.Робин Ван Перси (Холандија) 50
4.Един Џеко (БиХ0 47
5.Мајкл Мисфуд (Малта) 40
https://www.youtube.com/watch?v=kUD-OqS7jtk