Имаме голема шанса уште во јуни да дојдеме до решение кое може да биде прифатено од сите засегнати страни. Работиме да постигнеме успех на 22 јуни оваа година во Советот на ЕУ. Цврсто сум убеден во тоа дека ако сега не испорачаме како ЕУ тогаш оваа динамика оваа доверба ќе биде изгубена, порача германскиот државен министер за Европа, Михаел Рот, на прес-конференцијата во Скопје со неговиот домаќин вицепремиерот задолжен за европски прашања Никола Димитров.
„Се уште не ја прекачивме планината, но знам дека само солидарно и заедно можеме да го направиме тоа. Некој ќе се праша каде беше Европа во овие изминати недели, и месеци. Сакам да ве убедам дека ние сме на вашата страна. За време на германското претседателство се обидовме да постигнеме напредок бидејќи вие драги Македонци го заслуживте тоа. Вашата земја постигна голем напредок, се охррабривте да решите еден голем истрориски спор со тоа што го променивме името на вашата земја и од тука е легитимно да очекувате ние од страна на ЕУ да ги исполниме нашите ветувања. Сакам да ви ветам дека не само Германија е на вашата страна, туку дека партнерите во ЕУ, исто како и претходно се чувствуваат обрзани за конкретна перспектива за сите земји од ЗБ. Ќе се радувавме ако минатата година успееше да се започнат преговорите со С Македонија и Албанија, но не успеавме. Сега работиме со португалското претседателство со Советот на ЕУ тоа да може да успее. Останувам оптимист дека ќе успееме во тоа. Она што ни е потребна сега е свест за одговорност, храброст, сега ни е потребно да се држиме заедно и за мене тоа е повеќе од само ветување“, рече Рот на прес – конференцијата која се одржа во Влада.
Тој изрази уверување дека сега постои голема шанса за решение на спорот меѓу С. Македонија и Бугарија и отпочнување на пристапните преговори на земјава.
„Благодарем сум на нашите пријатели овде во Владата, но и во Бугарија дека сега имаме голема шанса уште во јуни да дојдеме до решение кое може да биде прифатено од сите засегнати страни. Португалското претседателство со Советот активно работи на едно вакво решение, а ние во сојузната Влада во Берлин го поддржуваме тоа онаму каде што можеме. Се надевам дека ќе го имате неопходното трпение бидејќи важни се и реформите, тоа е мојата порака до владата овде“, додаде германскиот министер.
Рот упати порака и до опозицијата во земјата за минимум подготвеност за компромиси и консензус во заедничкото чекорење кон ЕУ.
На прашањето што се сменило за сега да биде голем оптимист дека ќе има решение тој рече дека сега на сите им е јасно дека се потребни веродостојни успеси за Западен Балкан.
„Мислам дека на сите ни е јасно дека потребни ни се веродостојни успеси на Западен Балкан, не затоа што е во ваш интерес туку и во наш интерес е да има стабилност, регионално помирување, безбедност, демократија. Тоа е од исклучително значење за ЕУ, не само за Германија“, порача Рот.
Според шефот на дипломатијата Димитров, добар сигнал во насока на очекувањата за деблокада на преговорите со ЕУ е денешната средба на претседателите Пендаровски и Радев и посетата на Рим.
„На сите ни е јасно денес колку голем е влогот. Истовремено имам предизвик од една страна да се менаџира со очекувањата, бидејќи неколку пати веќе имаме зборувано и во јуни 2018, и во јуни 2019, и во октомври 2019 и во март минатата година, кога беше дадено зеленото светло, но наше е да не дигаме раце да се обидеме без при тоа да созададеме некакви преголеми очекувања. Мислам дека треба да работиме на резултат, а не на подигнување на очекувањата. Тоа што двајцата претседатели Пендаровски и Радев се заедно во Рим е јасен сигнал дека се возобновува дијалогот и мислам дека македонско-бугарското пријателство и заедничка европска иднина треба да ја искористи оваа шанса“, рече Димитров.