Руската армија започна комбиниран напад врз градот Суми, гаѓајќи нестанбени зони, како резултат на што беше нарушено снабдувањето со електрична енергија и вода, објави началникот на Регионалната воена администрација, Олег Григоров, пренесе Укринформ.
-Непријателот изврши комбиниран напад врз Суми. Има удари кои не се во станбениот сектор. Засега нема жртви, рече Григоров.
Тој истакна дека се утврдува обемот на штетата и дека надлежните служби работат на отстранување на последиците од нападот.
Компанијата за дистрибуција на електрична енергија АО „Сумиобленерго“ објави дека по руското гранатирање, се пријавени прекини во снабдувањето со електрична енергија во округот Суми.
„Прекините во дистрибуцијата на електрична енергија во дел од градот Суми и округот Суми се поврзани со воената агресија на Руската Федерација“, се наведува во соопштението.
Градската компанија за водоснабдување и канализација објави дека поради рускиот напад и проблемите со снабдувањето со електрична енергија, прекинато е и снабдувањето со вода.
Украинските воздухопловни сили претходно објавија дека руските сили лансирале наведувани авио бомби „КАБ“ врз Суми.