Кога армијата на Украина ќе започне контраофанзивна операција, Русите ќе паничат поради лажната перцепција на реалноста со која ги храни нивната пропаганда.
Ова го изјави заменик-министерот за одбрана Володимир Хаврилов во интервју за Индепендент, пренесува Укринформ.
„Ќе ја започнеме нашата контраофанзива – кога и каде не е важно сега“, рече тој. „[И кога тоа ќе се случи] Русија ќе биде во паника; ќе видите голема паника. Тие сè уште не разбираат дека [нивната] пропаганда демонстрира лажна слика за тоа што всушност се случува на теренот. Оваа војна ќе се добие на терен, не на ТВ екраните, не на интернет“.
Хаврилов додаде дека Кремљ ги криел вистинските размери на руските загуби во Украина од сопствениот народ, но нема да можат да го прават тоа кога Украина ќе почне да ги враќа своите територии и овие загуби се зголемуваат уште повеќе.
Не можете да го залажувате својот народ многу години… особено ако тие почнат да гледаат разлика на теренот, тие почнуваат да ги гледаат убиените и повредените, гледаат семејства кои ги изгубиле мажите од нивните куќи. Не можете да ја скриете смртта на вашиот син, или вашиот сопруг или брат, рече заменик-министерот.
Тој исто така изрази мислење дека нема да биде изненаден ако еден ден, можеби уште овој месец или следниот, светот види нешто што придонесува за моментален колапс на стратегијата на Русија, нејзината војска или нејзината економија.
Бахмут покажа дека, не само нам во Украина, туку и на непријателот, дека нема воено решение за Русија во оваа војна; уште полошо, Русија ја чека воена катастрофа на крајот на оваа војна, и ќе ја видиме наскоро, додаде Хаврилов.
Марта Пешевска
Извор: ЦИВИЛ Медиа