Русија: Во експлозијата на гас загинаа 38 лица, меѓу нив и 6 деца

Бројот на загинати во рускиот град Магнитогорск се искачи на 38, соопшти Министерството за вонредни ситуации на Русија. Меѓу загинатите се и 6 деца.

Трагедијата се случи поради експлозија на гас, по што се урна дел од зградата.

Нјамлку три лица се исчезнати. Спасувачките екипи и натаму  пребаруваат под урнатините.

Деветмесечното бебе кое беше пронајдено под урнатините, речиси 36 часа по експлозијата  е тешко повредено, но е во стабилна состојба.

Експлозијата се случи на 31 декември. Целосно се урнаа 4 спратови од вкупно 10, а оштетувања имаше и на соседните згради.