Новинарка на руското радио “Ехо” беше прободена со нож во вратот денес од непознат напаѓач што влегол во редакцијата.

Новинарката Татјана Фелгенгауер е во болница поради раните но животот не и е во опасност, изјави уредникот на радиото за агенцијата АФП.

Напаѓачот го нападнал и чуварот на зградата во која се наоѓа радиото во центарот на Москва а по нападот бил уапсен.

Новинарката е позната по своите критички ставови кон руската власт.

Радиото е првата независна радио станица во Русија која почна да работи во 1990 година пред падот на советскиот режим а по доаѓањето на Путин на власт сопственик на радиото стана енергетската група Гаспром.

Радиото и денес е главна радио станица на која можат да се слушнат независни мислења.