Истрагата за „Рекет“ продолжува, ќе видиме каде ќе не одведе – кажа обвинителката Вилма Русковска вечерва пред Кривичниот суд откако на специјалната јавна обвинителка Катица Јанева и беше одреден притвор.
За притворот на Јанева рече дека немала да го побара ако немала цврсти докази за нејзината инволвираност во случајот.
-Во овој момент сметавме заедно со јавниот обвинител дека е неопходна оваа мерка притвор – рече Русковска и додаде дека на почетокот од истрагата немале докази против Јанева.
„На почетокот имавме само разговори. Се слушаше гласот на колешката и немавме ништо повеќе од тоа. Јас никогаш нема да донесам наредба за истрага, а камоли да барам притвор, без доволно докази. Во меѓувреме се собраа доволно докази за да постои основано сомние дека го сторила кривичното дело, рече Рускоска.
Таа објасни дека Јанева вчера во Обвинителството за организиран криминал не била повикана како сведок, туку како лице кое од кое може да се добијат потребни извесувања.
Финаниската истрага за Рекет продолжува и во овој момент не се знае колку пари од рекетот точно завршиле кај Јанева.
Обвинителката потврди дека освен Камчев, повикала и други бизнисмени но тие негирале дека дале пари.
„Тој дојде кај мене и пријави. Кои се другите, навистина не знам. Јас имав повикано неколкумина. Дел од нив дадоа искази, дел негираа дека дале какви било пари“рече Русковска.
Русковска исто така потврди дека биле форматирани неколку компјутери кои биле користени од стручните соработници на СЈО, но рече дека ниту еден од компјутерите на обвинителите не бил форматиран. Во врска со телефоните на Јанева, форматиран бил еден телефон кој бил пронајден во Гевгелија.
Русковска рече дека немала никаков политички притисок за случајот.
Русковска најави дека утре ќе го извести Советот на јавни обвинители за притворот на Јанева, по што тој треба одлучи како понатаму ќе функционира СЈО.
Вечерва Рускоска побарала адвокатот на Катица Јанева, адвокатот Стеван Павлески да се изземе од одбраната за случајот „Империја“ на СЈО поради судир на интереси. Тој прифатил и останува бранител само на Јанева.
– На мое инсистирање Павлески и не само тој, туку и целата канцеларија зема обврска да ги откаже полномоштсвата на другите осомничени во другите предмети на СЈО, рече Рускоска